व्यापारीकै इच्छा अनुसार कर्मचारी कसरी ठाउँ ठाउँमा फिट गराइन्छ र स्वार्थ अनुकुल काम तमाम पारिन्छ,एउटा उदाहरण हेरौं :-
रूपन्देहीका नव धनाढ्य उद्योगपति कमलकिशोर मालपानीको ‘माल’खाएर एउटा बदनाम उपसचिवलाई बुटवलस्थित राजश्व अनुसन्धान कार्यालयमा लगिएको चर्चा अहिले प्रधानमन्त्री तथा मन्त्रिपरिषद्को कार्यालयतिर व्यापक सुन्न पाइन्छ । यस्को चाँजोपाँचो चाहिँ पूर्व नासु रघुनाथ घिमिरेले मिलाएका हुन भनिन्छ । घिमिरे तिनै पात्र हुन, जनार्दन शर्मा अर्थमन्त्री हुँदा मध्यराती मन्त्रालयमा छिरेर बजेटमा करका दर हेरफेर गरेका थिए । अहिले रूपन्देहीका नव धनाढ्य उद्योगपति कमलकिशोर मालपानीसँग नजिक रहेर काम गरिरहेका उनैले विवेक घिमिरेलाई घिमिरेलाई सामान्य प्रशासन मन्त्रालयबाट रुपन्देही पु¥याउने काम गरेका हुन । विवेक अघिल्लो पटक केपी शर्मा ओली प्रधानमन्त्री हुँदा उनको सचिवालयमा थिए । वालुवाटारकै भिटो लगाएर उद्योगमन्त्री दामोदर भण्डारीको सचिवालयमा पुगे । त्यहाँ छायाँमन्त्रीकै रुपमा काम गर्ने,कर्मचारी चलाउने धन्दामा लाग्दा बदनामीमा मुछिए पछि मन्त्री भण्डारीले उनलाई सामान्यमा सारे । त्यहाँबाट प्रधानमन्त्री कार्यालय मातहतको राजश्व अनुसन्धान विभाग हुँदै बुटबलमा लगिएको छ,उनलाई । स्रोतका अनुसार, विवेक त्यहाँ बसुञ्जेल मालपानीलाई छुन नपाइने शर्त छ । सोही अनुसार मालपानीको तर्फबाट कुस्त लगानी भएको स्रोतको दावा छ ।
बिज्ञापन
यस्तै अर्काे विवादित व्यवसायी पशुपती लाठको नाममा बाबा इम्पेक्स,शिखा ट्रेडर्स सहितका तीन वटा फर्म सञ्चालनमा । अहिले उपनिर्देशक विसीले उनै लाठमार्फत न्यूरोडका मारवाडी व्यपारी र घरानालाई आतकित पार्ने गरेको व्यवसायीहरुको आरोप छ । राजश्व अनुसन्धानका छाँया डिजीका रुपमा परिचित राजन बिसी बदनाम कर्मचारी हुन । यस अघि पथलैयामा हुँदा नै अख्तियरले अकुतमा डामेका थियो । पछि मिलाए । उनले अहिले न्यूरोडका व्यवसायीलाई त्राहीमाम बनाउदै आएको आरोप छ । उनले विभागकोृ २ नम्बर,३ नम्बर पिल्लर र यस अघि आफू बसिसकेको पथलैया र बुटबल हेर्दै आएका छन् । सुन,भेप र लक्जरी लगायतका महत्वपूर्ण सामानहरु उनैले हेर्दै आएका छन् ।
बिज्ञापन
राजश्व अनुसन्धानमा हैकम चलाउने अर्काे व्यवसायी हुन,दिपेश चालिसे । उनी सिन्धुपाल्चोकका हुन । दीपक मलहोत्राको अघोतिष पाटर्नर हुन उनी । ड्रोन,भेप, लाइटरको मुख्य काम गर्दै आएका उनले एयपोर्टको सबै ठेक्का लिएका छन् । करोडौं मूल्यको गाडी चढेर हैसियत यहीबाट बनाएको व्यवसायीहरु बताउँछन् ।
यस्तै विवादित व्यवसायी रमेश शेर्पा सिल्क ट्रान्पोर्टका बदमासीमा समेत विभागले आँखा चिम्लदै आएको छ । यस्तै त्यहीका चल्तापूर्ता हुन,नवराज तिमिल्सिना,जो सामान्य पृष्टभूमिका हुन । कार्यालय सहयोगीका रुपमा काम गर्दै आएका उनले रसुवा, सिन्धुपाल्चोकको ठेक्का लिएका छिन् । उनको देखाउने व्यवसाय चाहिँ कालिज फार्म हो । कपनमा अहिले जग्गा जमिन जोडेका उनी गत निर्वाचनमा स्थानीय तहमा उठेर पराजीत भएका थिए । क्यारीङ ब्याबसायी हुन अरुण सावर्थीया उनको न्यूरोडमा व्यवसाय छ ।
पछिल्लो समय जुन क्षेत्रको तस्कर छ्न उनै तस्कर प्रयोग गरेर सुराकी प्रयोग गरेर ब्यापारीहरुलाइ तर्साउने काम हुँदै आएका छन ।
सोही विभागको चार नम्बर पिल्लरले हात हालेको अर्को केस विवादित बन्न पुगेको छ । सो पिल्लरका हर्ताकर्ता छन् मणिराम पौडेल । दुई पटकसम्म भैरहवा भन्सारमा बसेका उनी पछिल्लो पटक काजु काण्डमा मुछिएर त्रिवि एयरपोर्ट भन्सारमा तानिएका हुन । त्यहाँबाट पुल्चोकस्थित राजश्व अनुसन्धान विभाग पुगेका उनैले अहिले व्यापारी बुद्ध लामाको केश हेरिरहेका छन् । गत २ मसिरमा रसुवा भन्सारबाट पास भएको कन्टेनरमा सुटकेशको प्रज्ञापनपत्र बनाएर ३२ सय जोर व्राण्डेड जुत्ता पास गराएको थियो । यही प्रकरणमा अहिले राजश्वले बुद्ध लामालाई नियन्त्रणमा लिएर अनुसन्धान गरिरहेको छ । अनुसन्धान अधिकारीहरुका अनुसार, ब्राण्डेट जुत्ताको मूल्य ४५ डलर अर्थात प्रति जुत्ताको नेपाली मूल्य ६ हजार ७५ रुपैंया पर्न आउँछ । ३२ सय जोडा जुत्ताकोे बिगोमात्र १ करोड ९४ लाख ४० हजार,त्यसमा ३० प्रतिशत भन्सार,१३ प्रतिशत कर समेत जोड्दा ९१ लाख ३६ हजार ८ सय र बिगो २ करोड ८५ लाख ७८ हजार ८ सय हुन आउँछ । बिगो,जरिवाना समेत गर्दा झण्डै ५ करोड ११ लाख ५३ हजार रकम हुने आउने बताइएको छ । लामाको वजन इन्टरप्राइजेजबाट आयात भएको सामानमा ५ करोड बढी राजश्व गोलमाल भएको छ । अहिले उनै मणिले केही करोड लिएर उनलाई उम्काउने खेलो मेलो चल्दैछ ।
बिज्ञापन
पछिल्लो समय राजश्व अनुसन्धान विभागबाट छानी छानी काँग्रेस र माओवादीका कर्मचारीहरु लखेटिने सिलसिला जारी छ । ६ नम्बर पिल्लर हेर्दै आएका दिनेश शिवाकोटी ६ महिनामै लखेटिए । विकास रिजाल पथलैयामा थिए तीन महिनामै लखेटिए । सात नम्बर पिल्लर हेर्ने मंगल बिष्ट,पाँच महिनामै लखेटिए कारण माओवादी हुनु । त्यहाँबाट छानीछानी काँग्रेस र माओवादीका कर्मचारी लखेटिदै छन् । अन्य काँग्रेस माओवादी निकट कर्मचारी सरुवाको सूची सामान्यका उपसचिव कमल भट्टराईमार्फत सरुवाको काम तमाम गराइदै आएको बताइन्छ ।
केही महिना अगाडि मात्र उपसचिव बनेकी कृष्णकुमारी श्रेष्ठलाई राजश्व अनुसन्धान विभागको उपमहानिर्देशक छिन,पद छ तर उनलाई कुनै जिम्मेवारी दिइएको छैन ।
